必試香港人氣街頭小食

有時行下街都想掃下街，食好多款美食，但行住食有時都幾唔方便 原來係葵芳嘅新都會廣場入便就開左間小店，可以坐底慢慢享用街頭小食，又可以打卡，真係岩曬我 店內裝修以黃白色為主調，裝修簡約舒適，仲有多個梳化位，岩曬打卡 餐廳以港式街頭小食同甜品為主題，仲有多款選擇，仲要掃街嘅朋友仔要去試下啦 食物方面: 掃街小食全餐 : 有齊六款人氣頭小食，有麥皮蝦芒果沙律脆筒、碗仔翅蒟蒻麵、特特大魚蛋、山椒鹹蛋黃雞翼、蝦頭油菜圃燒賣、新煎釀三寶，打卡一流 - 麥皮蝦芒果沙律脆筒 : 麥皮蝦彈牙香脆，味道甜，竹炭甜筒入面係芒果肉沙律，連埋雪糕筒食，非常有創意 - 碗仔翅蒟蒻麵 : 碗仔翅以雞絲和雞湯為湯底，再用健康純素蒟蒻麵取代粉絲，味道不錯又健康 - 特特大魚旦 : 魚旦爽口彈牙，勁大粒，配上港式咖喱醬，香而不辣易入口 - 山椒咸蛋黃雞翼 : 雞翼同樣大大隻，炸到外脆內嫩，再加上山椒咸蛋黃醬，非常邪惡 - 蝦頭油菜圃燒賣 : 燒賣係 jumbo size ，口感煙韌，再配上菜圃蝦頭油，又香又惹味 - 新煎釀三寶 : 煎釀三寶有紅腸、茄子、魚肉，再用天婦羅炸粉去炸，製法新穎，再蘸上自家製腐乳醬，味道香濃惹味 瑞士雞翼 : 雞翼夠曬入味，煮到皮滑肉嫩，夠甜夠抵食 蔥油溏心蛋飯 : 溏心蛋做得剛剛好，蛋香味濃，加上有蔥油、櫻花蝦及菜甫，好味到想食多碗先夠喉 蝦頭油撈麵 : 撈麵夠爽口，加埋櫻花蝦及蝦頭油，香口又惹味 雪糕雞蛋仔102畫室 : 用畫板上板非常特別，雞蛋仔脆卜卜，入便選擇麻糬餡夠煙韌，再用醬料當顏料，玩味十足，再加埋雪糕一齊食，好食又好玩嘅甜品 芝麻糊豆腐湯圓椰皇蛋白 : 用椰皇殼裝住濃濃嘅芝麻糊，內裡係蛋白及豆腐，再加埋兩粒芝麻湯圓，仲有淡淡嘅椰皇香甜道 榴槤甘露果凍碗 : 採用馬來西亞 D24 榴槤肉，加上椰子布丁、椰青果凍、手工小圓子及水晶珠，材料十足，榴槤控必試之選 芒芒甘露沙冰 : 新鮮芒果肉配上西柚及小丸子，再加埋芒果沙冰，滿滿嘅芒果味，岩曬夏天飲 芒芒椰奶 : 新鮮芒果肉再配上椰香十足嘅椰奶，再加埋煙韌水晶珠，飲得又食得 網址 : https://www.bitebybite.hk/ 名稱：小點角落 地址：葵芳興芳路223號新都會廣場5樓574A號舖 營業時間 : 1200-2230 前往方法：港鐵葵芳站 D 出口, 步行約 4 分鐘 人均消費 : $50-100 🌱🌱🌱🌱🌱🌱🌱🌱🌱🌱🌱🌱🌱 歡迎大家支持埋我的 Facebook page FB page: https://www.facebook.com/barbaours/ #barbaours_ #barbabeau#barbapapa@bitebybite.hk #bitebybite@metroplazahk #metroplazahk#kwaifong #dessert #hklife#lifestyle#DiscoverHongKong#hongkong#hkblogger#hkfoodie #foodphotography#foodstagram#foodblogger#foodstagram#foodie#instafood#iphonephotography #travel#travelgram#travelblogger #小點角落#街頭小食#甜品#香港甜品#雞蛋仔#新都會廣場#葵芳#UCreatorHK#BESTFOODwithUCreator#香港美食#九龍美食#港島美食#新界美食#香港隱世美食#大排檔#香港地道美食#請爸爸食件cake#快閃話咁易#